Nazabal, Larretxea, Lopez, Mindegia eta Barberena aizkolariek lortu zuten Uharte Iruñean Nafarroko Lehen Mailako finala jokatzeko txartela. Azken saioa urriaren 7an jokatuko da Etxarri Aranatzen.

Uharteko pilotalekua erabat bete zen norgehiagoka hori zuzenean jarraitzeko asmoarekin. Aizkolari bakoitzak bi kana-erdiko, bi 60 ontzako eta bi oinbiko moztu behar izan zituen.

Hiru txandatan banatuta aritu ziren aizkolariak, eta lehenengoa izan zen onena. Bertan aritu ziren Nazabal, Larretxea, Mindegia eta Kañamares. Azkeneko horrek azkena amaitu zuen bai saioan, eta baita txandan ere, eta maila galdu zuen. Nazabal eta Larretxea ere batera ziren, eta doi-doi lortu zuen garaipena Etxarrikoak. Mindegiak ere lan ona egin zuen. Atzo itzuli zen berriro lehiaketetara, eta min hartu aurretik zuen freskura falta arren, finalean sartu da. Garbi geratu zen Nazabalek eta Laretxeak gainerakoei koska kentzen dietela.