Zizurkilen VI. antzerki astearen barruan gaur Edurne Agirrezabalak «Ogirik gabe etorri zen semea» antzeztuko du Villabonako Gurea zineman. Lan hori DBH 2, 3 eta 4. mailako ikasleei begira idatzia da. Bihar, Galtzagorri taldearen «Galtzagorriak» txotxongilo emanaldia izango da 3 eta 6 urte bitarteko haurrentzat, eta Atxulondo kultur etxean, 15.15ean bilduko dira J. M. Barandiaranek jasotako euskal ipuinean oinarritzen den antzezlana eskaintzeko.