Kirol festa 16.30ean hasiko da. Ordu horretan, giharrak berotzen hasteko, Errekalde auzoan zehar itzulia egingo dute korrika, baina poliki-poliki. Horren ostean, kirol ekitaldiari helduko diote. Lehenik eta behin, herri kirolak izango dira; ondoren, irakasleen eta gurasoen arteko partida jokatuko dute, eta, hori bukatutakoan, kirol eta joko gehiago: futbola, harri-jasotzea eta zinta karrera. Festa behar bezala bukatzeko, askaria izango da guztientzat: saiheski pintxoak, jogurtak, txokolatea eta freskagarriak.