Edorta Agirre sukaldariak eta Asisko Urmeneta marrazkilariak «Elikadurari buruzko apustuak» izeneko hitzaldi umoretsua eskainiko dute Iruñeko Zaldiko Maldiko elkartean. Hitzaldiak Agirrek eta Urmenetak elkarrekin argitaratutako «Baietz okerreko bidea aukeratu!» izeneko liburuan du abiapuntua, eta azken urteotan gizartean zabaltzen ari diren elikadura-ohitura txarren inguruan gogoeta egitea da, Edorta Agirreren ikuspuntu kritikoa eta Asisko Urmenetaren marrazki eta ateraldi umoretsuak ederki uztartuz.