Nahi duenak har dezake parte ekainaren 1ean egingo den Pintura Azkarreko I. Lehiaketa honetan. Teknika librea izango da. Gaiari dagokionez, berriz, Olazti eta inguruak izango da. Lan-eremua herri barruko zirkuitua izango da, aldez aurretik lehiaketaren antolatzaileek mugaturikoa eta balizaz seinaleztatua. Hiru mailatan parte har daiteke: haurrak (12 urte bitartekoak); gazteak (12 eta 16 urte bitartekoak) eta helduak (16 urtetik gorakoak). Izena emateko epea maiatzaren 27an amaituko da, udaletxean.