Hurrengo igandean, dantzan aritzen diren taldeen urteroko hitzordurik garrantzitsuena izango da, Euskal Herriko Dantzari Eguna. Egun horren harira, dantza tradizionala eta folklorearen inguruko ekintzak biltzen dituen egitaraua antolatu dute Euskal Dantzarien Biltzarreko kideek, eta bihar bertan hasiko dira jarduerak. Biltzarreko kideek azaldu dutenaren arabera, aurtengo egunean Euskal Herriko Txistulari Elkarteari omenaldia egin nahi diete, dantza eta musika tradizionala berreskuratzeko egindako lanagatik.