Lupa Dokumentalen Mostrak publikoari zuzendutako dokumentalen proiekzioak, dokumental munduko profesionalen topaketa eta mahai inguruak batu nahi ditu. Mikelazulok eta Banda Bat taldeek antolatuta, apirilaren 30etik maiatzaren 4ra euskal dokumental egileak zein Estatu espainolekoak bilduko dira Donostian eta Errenterian. Lanen sortzaileak elkartuz, mahai inguruak egingo dituzte banaketari buruz egon daitezkeen ikuspegi desberdinak biltzeko.