Cidemco, ESI, Fastronik, Inasmet, Labei eta Robotiker, Tecnalia korporazioko euskal zentro teknologikoek bat-egite protokoloa sinatu zuten atzo, eta, honen bitartez, behin betiko batuko dira. Fusioa 2011ko lehen hiruhilekoan burutzea aurreikusten dute, eta horrela Ikerketa, Garapen eta Berrikuntzarako Europako bosgarren zentro teknologiko pribatua sortuko da. Guztira, 1.300 langile eta 110 milioi euroko fakturazioa izango ditu, atzo jakitera eman zutenez.