Eusko Ikaskuntzak ekitaldi bat antolatu du gaurko, Gasteizen, Alberto Garate kultur sustatzailea gogoratzeko haren heriotzaren lehenengo urteurrenean. Omenaldia arratsaldeko zazpietan hasiko da, Gasteizko egoitzan, eta bertan Federico Verastegui, Carlos Caballero, Ricardo Cierbide, Pedro Ignacio Gonzalo-Bilbao, Felix Maraña eta Nieves Urrutia izango dira. Zuzenbide, Ekonomia Zientzia eta Historia lizentziaduna zen Garate, eta gaztetatik kultur jarduera anitzetan esku hartu zuen.