Bidasoan ospatzen den Folklore Jaialdiak aurreko urteetan baino bi egun gutxiago izango ditu; bihar eta hilaren 26aren artean ospatuko da. Aldaketa krisi ekonomikoaren ondorioa da; eta bertan behera geratu dira Zumaia, Lesaka eta Donezteben egiten ziren ekitaldiak. Jaialdia antolatzen duen Eraiki dantza taldeko kideak, Oscar Lucasek, azaldu duenaren arabera, murrizketek taldeen mailan eragin ez dezatela saiatu dira. Aurten, Venezuela, Errusia, Txina eta Burkina Fasoko taldeak daude.