Chrysalide elkarteak sortutako egitasmoari esker Biarritzeko Pirineoak eskolak autismoa daukaten lau haur hartuko ditu integrazio klaseetan aurten lehen aldiz. Estatu mailan horrelako esperientzia garatzen den lehenetarikoa da. Autonomiaruntz Laguntzeko egitura jarri da abian hau egin ahal izateko. Hitzarmena Hezkuntza Nazionalak, Biarritzeko Herriko Etxeak eta Chrysalidek sinatu dute.