Bihar larunbata, urriaren 24a, urteroko biltzar nagusia burutzekoa da Euskal Herria Zuzenean jaialdia, Heletan, 10.00etan hasita. Hitzordurako, iragan festibalean laguntzaile izan ziren guztiak deitu dituzte, bilera irekia izango baita eta guztien ekarpenak ondo etorriak izango baitira. Bestalde, 2009. urteko EHZ jaialdiaren balorazioa egiteaz gain datorren urtekoa prestatzen hastea du helburu bilerak. Iaz Zuberoa utzi eta Heletara aldatu zen jaialdia arrakasta handiz, azken urteotako ediziorik jendetsuena izan baitzen.