Victor Iriarte, Jorge Tur Molto eta Marta Javierre zinema errealizadore berriei proposamen berezi bat egin zieten. Hiru egunetan zehar Gasteizen egon ondoren euren inpresioak grabatzeko eskatu zieten. Gaia: «Ni zu banintz»; eta galdera: «Zer izan zintezke hiri honetan biziko bazina, baldintza hauekin, eguneroko paisaia honekin?». Grabazio horien emaitza eta hiriari buruzko hausnarketak gaur aurkeztuko dituzte KREAren egoitzan. 19.00etan photocall-a egingo da eta, ondoren, bi film proiektatuko dira: 19.30ean, «Zorion perfektua» eta, 22.00etan, «Checkpoint Rock».