Emakumeen Liga amaitzeko lau jardunaldi falta dira, nahikoa, gauzak oker eginez gero, sekulako belarrondokoa jasotzeko.

Azken bi neurketak irabazita, bolada onean daude gipuzkoarrak, eta berau luzatu nahiko dute. Hondarribia-Irunek irabazteaz gain, Canoek Estudiantesi irabaziko balio, salbazioa eskuan izango luke Cuadraten taldeak.

Hala ere, euskaldunek aurkari latza dute aurrean, Hondartzan 62-76, nagusitu zirelarik aurreneko itzulian. Egun hartan Warburtonek 34 puntu sartu zituen, baina Rosi Sanchez edo Zlatanova, besteak beste, jokalari oso arriskutsuak dira.