Ruper Ordorika euskal abeslaria «Haizea garizumakoa» diskoarekin egiten ari den bira Kubara iritsiko da hilaren 24an. Hain zuzen ere, Habana hiriburuan joko du Ruperrek, 17.00etan. Hurrengo egunean, berriz, Matanzas hirian izango da 22.00etatik aurrera. Azkenik, hilaren 26an Santa Clarako kultur etxean joko du 22.00etan. Kubatik itzultzean Madrilgo Galileo aretoan izango da urriaren 19an.