Aurtengo Getxoko Komiki Azokan, ospe handiko artistak bilduko dira, eta horien artean Gilbert Shelton, AEBetako underground komikigintzako egile nagusienetakoa; Frederik Peeters, Europako komiki berriaren ordezkaria; eta Stuart Immonen, Marvel eta DC argitaletxe handien serie ospetsuetako ilustratzailea izango dira gonbidatuak. Hirurak azaroaren 26tik 28ra izango dira Getxon eta hainbat ekitalditan zein sinatze-txandetan jardungo dira.