Gaur jokatuko dute Bizkaiko Txapelketako bosgarren eta azken kanporaketa Getxon, Erromoko Gobela kiroldegian. Bertan jakingo da zein bertsolari pasatuko diren finalaurrekoetara. Presio horrekin abestu beharko dute Eneko Arratek, Ion Barrocalek, Beñat Ugartetxeak, Olatz Ibarluzeak, Gorka Lazkanok eta Eñaut Uruburuk, Zuriñe Iarritu gidari dutela. 500 lagunentzako tokia prestatu dute, eta sarrera batzuk gorde dituzte leihatilan saltzeko.