Iragandako abuztuan zendu zenetik, Karmele Igartua (1959-2010, Aretxabaleta) poeta, irakasle eta idazleari omenaldi ugari egin dizkiote Euskal Herrian. Azkena, atzo Idazle Eskolak Bergarako UNEDen areto nagusian ospatutakoa. Eguerdian puntuan hasi zen ekitaldiak jende andana bildu zuen: lankideak, lankide ohiak, berarekin ikasi zutenak...�Bai azken urteetan aretxabaletarrarekin harremana izan zutenak, baita bere bizitzan zehar ezagutu zutenak ere�, adierazi zuen Idazle Eskolako Leire Zubeldiak.

Ekitaldia ura, lurra, sua eta haizea elementuetan oinarritu zuten, ezagutzen zutenen aburuz, �horiek laburbiltzen baitute Karmeleren nortasuna. Lurrari oso lotua zegoen -azaldu zuen Zubeldiak-, abertzalea eta euskalduna izateaz gain, mendia ere gustuko zuelako. Bestetik, askatasuna maite zuen. Zentzu horretan, haizea bezalakoa zen�. Suak idazlearen �bizitasuna� islatzen du, pertsona �gartsua� baitzen eta, azkenik, ura. �Itsasoarekin harreman estua zuen. Hendaian zuen etxera maiz joaten zen eta Lekeition ere igarotzen zituen denboraldiak�.

Txalapartak lagunduta, elementu bakoitzarekin Igartuaren poemak eta testuak irakurri zituzten, horien artean, berak idatzitako �Itsaso kontra bat� liburuko olerki batzuk (udaberrian Pamielak aterako du argitara).

Parte hartu zutenen artean Joxe Angel Irigarai idazle eta poeta izan zen. Igartuaren kemena nabarmendu zuen, �izatearen eta ez izatearen artean egon arren, idazten jarraitu zuelako�.

Atzokoarekin, Idazle Eskolak aurtengo ikasturterako prestatutako �Idazleak irakurle� mintegiari hasiera eman zion. Edizio hau �Amodioak eta eza� gaiaren ingurukoa izango da.