Ezohiko neurketa prestatu du Oriamendi enpresak gaur arratsalderako Galarretan. Jarri daitekeen bikoterik indartsuenak, Koteto Ezkurrak eta Miguel Mari Urrutiak, hirukote bikain baten aurka neurtuko ditu indarrak; Etxeberria IV.ak, Juaristik eta Lizasok osatutakoa, alegia. Gainera, goizean, Binakako Txapelketaren finala jokatuko duten bi bikoteek materiala aukeratzeko ekitaldia izango dute Hernaniko pilotalekuan. Han izango dira Urriza-Etxeberria III.a eta Zeberio II.a-Ion.