Euskararen Gizarte Erakundeen Kontseiluak bigarren urtez EAEn deialdia egin du ikastetxe publikoak marko hirueledun proiektuetan sar daitezen. Kontseiluak argi du derrigorrezko hezkuntza amaitutakoan ikasleek euskaldun eleaniztunak izan behar dutela, eta horren karietara proposamen zehatza aurkeztu zuen 2008an. Paul Bilbao, Kontseiluko idazkari nagusiaren aburuz, ikasle euskaldun eleaniztunak sortzeko legea bera aldatzea beharrezkoa da, betiere, belaunaldi berriek hizkuntza gutxiagotua jakitea oinarrizko zutabetzat jota.