Biarritz taldeko Dimitri Yachviliri bizkarrean dituen arazoak osatzeko ebakuntza egingo diote, atzo taldeak ezagutzera eman zuenez, nahiz eta noiz egingo dioten ez zuen zehaztu. Hori dela-eta, lapurtarren jaurtitzaileak bi eta hiru hilabete artean zelaietatik kanpo egon behar izango du. Hutsune hori oso garrantzitsua izango da zuri-gorrientzat, jokalaria ia ezinbestekoa baita Agilerako taldearentzat. Joan den astean ere ezin izan zuen hasieratik jokatu, nahiz eta bigarren zatian zelaira ateratzeko modua izan zuen.