GARA > Idatzia > Kultura

Gartxot filma DVDan dago salgai, euskara hutsean baina azpitituluak 18 hizkuntza ezberdinetan dituela

p046_f02.jpg

Nagore BELASTEGI | DONOSTIA

«Gartxot», konkistaren aurreko konkistaren istorioa kontatzen duen animaziozko euskal pelikularen DVDa aurkeztu zuten atzo Edorta Baruetabeña idazleak eta Juanjo Elordik, Asisko Urmeneta marrazkilariarekin batera filmaren produktorea. DVDaren berezitasunik aipagarriena azpitituluak hemezortzi hizkuntza ezberdinetan dituela da.

Sortzaileek atzo Donostian azaldu zutenez, pelikula euskara hutsean izango zela argi zuten hasieratik, baina gaztelaniaz, ingelesez, frantsesez eta euskaraz azpitituluak jartzeko nahia ere argi zuten. Aldiz, pixkanaka azpitituluak hizkuntza gehiagotan jartzeko eskariak jasotzen hasi ziren, «filma hizkuntza gutxitua duten nazioentzat eta herrialde txikientzat eredu bat delako». Hala, pelikula katalanezko, galizierazko, asturierazko, japonierazko, italierazko edo georgierazko azpitituluekin ikus dezakegu besteak beste. Elordik adierazi zuenez, filma japonierara itzultzea gustatuko litzaioke protagonistei zer-nolako ahotsa jartzen dieten ikusteko. «Azpititulu batzuk boluntarioek egin dituzte, japonierazkoak esaterako. Egin dituen neskak esan zigun istorioa japoniarren estilokoa dela».

«Gartxot» filmak, animazioaren eta abestien bidez, «duela mila urte hasi zen konkista kontatzen du». Horretarako, Benito Lertxundi eta Olatz Zugasti abeslarien laguntza izan dute pertsonaiei ahotsa jartzeko garaian zein soinu banda prestatzerakoan. Gainera, pastoraletan esperientzia handia duten Iparraldeko aktoreek eman diete bizia protagonistei, a capella abesten dutenean sinesgarritasuna bermatzeko.

Euskal Herriari bira

Filma 2011ko azaroan aurkeztu zutenetik Euskal Herrian barna ibili da, 80 herri ingurutara helduz. Horietako batzuk ez zuten ez zinemarik ez kultur etxerik. Hala, frontoiak bezalako lekuetan ere egin izan dira emanaldiak. Gune erdaldunetan, gainera, azpitituluekin eman dute «Gartxot» herritar orok filma ikusteko aukera izan zezan. Iparraldean, gainera, zinemetan proiektatzea lortu dute, «ilegaltasunaren marran, bertan Gobernu frantsesari baimena eskatu behar baitzaio».

Ekimen bizi horretaz, lortu duten eta lortzen ari diren guztiaz «harro» daude «Gartxot» lanaren bultzatzaileak, «ez delako erraza honelako harrera izatea». Horregatik, proiekzio askotara beraiek joan dira filma aurkeztera. «Gehienetan Asisko Urmeneta joaten da eta filma nola egin genuen kontatzen du, baina konturatu gara jendea filmak jasotzen duen tesian oso interesatua dagoela. Nafarroako konkista militarra duela 500 urte izan bazen, duela mila urte hasi zen benetako konkista. `Gartxot' deskonkista kolektiboaren aldarri bilakatzea lortu dugu», azaldu zuen Elordik.

Estreno

Dirección: Len Wiseman.

Guión: Kurt Wimmer, Mark Bomback y James Vanderbilt, sobre un relato de Philip K. Dick. Intérpretes: Colin Farrell, Jessica Biel, Kate Beckinsale, Bill Nighy, Bryan Cranston, Ethan Hawke. Fotografía: Paul Cameron. Música: Harry Gregson-Williams.

País: EE.UU., 2012.

Duración: 117 minutos.

JAIALDIAK

Oraindik saririk eskuratu ez badu ere, «Gartxot» nazioarteko zortzi jaialditan hautatu dute jada bere kategoriako hiru film onenen artean. Orain diasporara begira daude filmaren sortzaileak.

JAIALDIAK

DVDa 14 euroan dago salgai. Horrez gain, etxean legalki Internet bidez ikus nahi duenak Filmin.es webgunean du horretarako aukera «streaming» bidez,3 euroren truke.

Imprimatu 
Gehitu artikuloa: Delicious Zabaldu
Igo