Gaur 22.00etan, «Punto Info» saioan, Axier Jaka, Donostiako Informazio, Partaidetza eta Ingurumeneko zinegotzia, izango da. Besteak beste, Donostiako Udalak partaidetza bermatzeko egiten duen ahalegina, Udalaren beraren gardentasuna eta hondakinen afera jorratuko dituzte. Solaserako bi gonbidatu berezi izango dira Hamaika Telebistako estudiotan, Aritz Sorzabal («Irutxuloko Hitza» egunkariko kazetaria) eta Idurre Zugazagasti (Ingurugiro Zientzietan lizentziatua).