Euskal Telebista lehiakide bila dabil, «101 Gaztelu» saio berrian parte hartzeko. Julian Iantzi aurkezleak gidatuta, Euskal Herriko gazteluetan barrena murgilduko den abentura epiko handia izango da, eta «Basetxea» eta «El Conquistador del Fin del Mundo» saio arrakastatsuen arduradunen esku egongo da; oraingoan gazteluak konkistatu beharko dituzte parte hartzaileek. Datorren astean, casting bat egingo dute Donostian; asteazkenean, maiatzak 29, Miramongo EiTBren egoitzan egongo dira, 09.00etan hasi eta 20.00ak arte.