![](http://www.gara.net/naiz/naiz.gif)
Aizkora
Nafarroak zehaztu ditu hiru mailetako saioak
J.L.
Uda garaia izaten da txapelketak jokatzeko tenorea, eta Nafarroak aizkorako hiru mailetako herrialdeko kanporaketak eta finalak non jokatuko diren zehaztuta du. Hirugarren Mailako Txapelketak abiatuko du aizkorako denboraldia. Kanporaketa etzi jokatuko da Iruñeko Foruen plazan, eta finala, berriz, uztailaren 28an Elizondon jokatuko da.
Bigarren Mailakoa, berriz, Leitzan abiatuko da abuztuaren 11n, hantxe jokatuko baita kanporaketa. Finala, berriz, Uharten jokatuko da irailaren 11n.
Txapelketa nagusia, Lehen Mailakoa alegia, Etxarri Aranatzen abiatuko da urriaren 6an, hantxe jokatuko baita kanporaketa, eta finala, berriz, Donezteben jokatuko da azaroaren 15ean, bertako jaietako egun handian.
Binakako Txapelketa nagusia, berriz, uztailaren 14an, sanferminetako azkeneko egunean, jokatuko da Iruñeko Foruen plazan.