Udako jaietako auzietan PP «barregarri» geratu dela dio Bilduk
Bilboko zinegotzi Aitziber Ibaibarriagak Aste Nagusiko balorazioan adierazi zuenez, Alderdi Popularrak, Carlos Urquijoren bitartez, udako jaietan martxan jarritako polemika «artifizial eta interesatu» ezberdinek «barregarri» utzi dute alderdi kontserbadorea gizartearen aurrean. Era berean, Aste Nagusiko jai eredua eta ikono nagusiak, hala nola txupinera eta pregoilaria, «berrindartuta» atera direla nabarmendu zuen Ibaibarriagak.
Mikel PASTOR | BILBO
Udan zehar Alderdi Popularrak, Carlos Urquijo ordezkariaren bitartez, Laudio eta Bilboko jaien sinbolo eta ikonoen kontra izandako jarrera gogor kritikatu zuen atzo Aitziber Ibaibarriaga Bilboko Bilduko zinegotziak, eta jarrera horrek alderdi kontserbadorea euskal gizartearen aurrean «barregarri» utzi duela azpimarratu zuen.
Ibaibarriaga gogor aritu zen alderdi atzerakoiaren kontra Aste Nagusiaren balorazioa egiteko agerraldian. Adierazi zuenez, Pablo Gorostiagaren eta Jone Artolaren izendapenen debekuen kasuetan, Madriletik polemika «artifizial eta interesatuak jarri dituzte martxan, helburu politiko zehatz batekin».
«Baina ez dute lortu beraien helburua -argi utzi zuen- Aste Nagusiko bi ikono garrantzitsu, txupinera eta pregoilaria, indartuta atera dira egoera honetatik, jendetza mordoaren babesa eta maitasuna jasoz, beste batzuk nabarmen geratu diren bitartean».
Jai ereduaren defentsa irmoa egin zuen Bilduko kideak: «Argi geratu da beste behin ere eredua egokia dela, eta bilbotar gehienek babestu eta bere egiten dutela». Bilboko Konpartsek egindako lana ere goraipatu zuen Ibaibarriagak, «egunez zein gauez antolatutako ehunka ekimenengatik, eta jaiei emandako kutsu parte-hartzaileagatik, are gehiago kontuan hartuta haien lana guztiz borondatezkoa dela».
Europa Parkeari ez
Aste Nagusiaren balorazio orokorragoa eginez -eta berak adierazi zuenez, datu ofizialen esperoan- Ibaibarriagak berriro kritikatu zuen udaletxeak antolatutako kontzertuak Europa Parkean izatea. Bilduko zinegotziaren aburuz, Txurdinagako gunea «ez da tokirik onena neurri horretako ekitaldiak hartzeko. Askotan esan dugu Bilbo bezalako hiri batean kontzertuetarako espazio zehatz bat egon behar dela».
Aitziber Ibaibarriagaren ustez, erabaki horren helburua «dohako kontzertuekin bukatzea» da. Berak azaldu zuenez, azken bi urteotan %50eko murrizketa egon da kontzertuetan. 2011n zortzi kontzertu izan ziren, iaz sei, eta aurten lau baino ez dira izan, «eta hori nabaritu egin da, igande, astelehen eta asteartean jende gutxiago gerturatu delako».
Kontzertuetarako 600.000 euro bideratu ditu udalak, eta «BBK Live bezalako ekimen pribatu baterako, aldiz, 1.200.000 euro bideratzen ditu».
Kontzertuetan soilik ez, «zorionez», zezenketetan ere publiko gutxiago egon dela baieztatu zuen Ibaibarriagak, bidez batez salatuz Udalak horretarako 70.000 euro bideratzen dituela: «hortik 50.000 euro zinegotzientzako bonoetarako dira, lotsagarria iruditzen zaigu. Norberaren zaletasunak norberak ordain ditzala, are gehiago gure soldatak horren altuak direnean».
Zenbateko hori ordaintzen du Udalak diru publikoarekin zinegotzientzat aste osorako zezenketa bonuak erosteko. Bilduko zinegotziek uko egin zioten hasieratik, «ezabatu beharreko pribilegioak» direla argudiatuta.
El delegado del Gobierno español en la CAV, Carlos Urquijo, y Estibaliz Gorostiaga, hija de Pablo Gorostiaga, exalcalde de Laudio preso en la cárcel de Herrera de La Mancha por su relación con el diario «Egin» y cuya elección como pregonero de las fiestas de dicho municipio fue invalidada por un tribunal de Gasteiz a instancias del representante de Madrid, coincidieron este domingo en la comida de la Cofradía de San Roque.
Según informó el grupo Vocento, Urquijo y Gorostiaga se ignoraron durante la comida, que tuvo lugar en el pórtico de la iglesia de San Pedro de Lamuza, y optaron por no realizar declaraciones al ser requeridos por los medios. Urquijo afirmó que no quería entrar en polémicas, mientras que Gorostiaga se limitó a constatar que, de no haber sido por Urquijo, ella hubiera leído el pregón escrito por su padre.
Asimismo, recordó que su posición respecto a la intervención de Urquijo ya había quedado clara en una carta publicada el sábado en GARA. En la misiva, Gorostiaga indicó que estaba «muy agradecida» por la «torpeza» del delegado. «Has dado a Pablo la oportunidad de que se conozca un poco mejor cuál es su situación. Cuál es su delio y cuál su castigo. Incomprensible, injusto, indignante bajo el punto de vista de la mayoría», manifestó. GARA
