Fermin Muguruzak eta Daniel Gomezek zuzenduriko «No More Tour» film dokumental berria proiektatuko dute Donostiako Antzoki Zaharrean gaur, arratsaldeko 19.30ean. Dokumentala Muguruzak eta bere taldeak bost hilabeteko biran emandako 55 kontzerturen isla da, «erresistentzia eta konplizitatez osatutako mapa bat» marrazten duena, azken bira izan daitekeenaren isla, 30 urtez taula gainean izan ondoren. «No More Tour» Bartzelonako In-Edit zinemaldian estreinatu zuten joan den ostiralean.