Castoramako grebalariek lorpen batzuk erdietsi dituzte
ANGELU
Bost eguneko grebaren ostean, Castoramako langileek lanera itzultzea erabaki dute, joan den ostiralean brikolaje eta etxegintzako materialak saltzen dituen saltoki handiko zuzendaritzarekin izandako bileran hainbat eskakizun erdietsi ostean.
Lorpen nagusiak kontratu motarekin zerikusia dutenak dira. Behin behineko kontratuak mugagabeak bilakatzeko, denbora erdikoak osoko bihurtzeko eta lanpostu berriak sortzeko konpromisoa hartu du zuzendaritzak. Guztira 14 lanpostu mugagabe gehiago lortu dituzte. Soldaten igoerari dagokionean, zuzendaritzak ez du, ordea, amore eman.
CGT sindikatuak zoriondu egin ditu langileak lortutakoagatik, etaemaitzak «borroka indarberritzeko eta lan-baldintzak eta soldatak hobetzearren beste ekintzak sustatzeko» balioko duela adierazi du.
|
