- Urrezko Aizkora
Iriartek eta Belarrak ez dute parte hartuko
DONOSTIA
Arkaitz Iriarte eta Luixmari Belarra ez dira Urrezko Aizkoran arituko, bi aizkolariek ez parte hartzeko erabakia hartu baitute. Arazo batzuengatik, bietako inork ezin du lehiaketa behar bezala prestatu, eta baldintza horietan ez lehiatzeko asmoa agertu dute.
Urrestillakoak eta Doneztebekoak uko egin ostean, lau aizkolarik egin diote muzin Urrezko Aizkoran aritzeari. Estreinakoa Azurmendi izan zen, oraingoz aizkora uztea erabaki baitu. Gero, Senosiain II.a izan zen, osasun arazoak baititu, eta orain Iriarte eta Belarra izan dira. Zalantzan zegoen bestea Donato Larretxearen parte-hartzea zen, baina Arantzakoa, hilabete asko geldirik egon ostean, herenegun agertu zen berriro plazetan, Ataunen egindako jaialdian, eta nahiko ongi aritu zen. Beraz, badirudi Urrezko Aizkoran parte hartzeko moduan egongo dela.
|
