IRUÑEA
Gizadiak «denbora justuaz» izan du klima aldaketaren berri, eta nazioek borroka bateratuari ekin behar diote berotegi-efektuari eusteko, “El calenta- miento global” titulupean Specer Weart-ek Nafarroako Unibertsitatearen bidez argitaratutako liburuan azaltzen denez.Weart American Institute of Physics zentroko zuzendaria da, eta zientzia interesa izateaz gain, klima aldaketa politikan, ekonomian eta gizartean pisu handia duen gai bilakatu du. Zentzu horretan, gobernu eta enpresengan presioa egiteko eskatzen die herritarrei: «Berotegi-efektua eragiten duten gasen igorpena gelditu behar dugu, eta gobernuen ekintzen aurreko alternatiba ez da norberak egin dezakeena, baizik eta enpresek duten boterea».
«Ez zaigu denborarik geratzen»
Era berean, igorpenak geratzen ahalik eta lasterren hasi behar dela ziurtatzen du; «Jada ez baitaukagu denborarik». Weartek zehazten du hartzen diren neurriek ez dutela eraginik izango unean bertan, eta, ondorioz, itsasoaren mugak gora egingo duela azaltzen du.
Berotegi-efektuak ekarriko dituen kalteak «gero eta okerragoak» izango direla ere zehazten du, eta eragin horiek belaunaldietan iraungo dutela gaineratzen du.
Liburuaren bidez, Weartek berotegi-efektuaren nondik-norakoak azaltzen ditu. 1896 urtean gizakiaren bidezko CO2 gasaren igorpenak tenperaturen gorakada zekarrela jakin zenetik abiatzen da kontaketa, eta egun berotegi-efektua egon badagoela onartzen ez duten ikerlariekin amaitzen du.
