- Beste lasterketak
Urtasunek garaipena eman dio Kaikuri Portugalen
BILBO
Kaiku taldeko Pablo Urtasun nafarrak garaipena erdietsi zuen atzo Portugalen, Alentejoko itzuliaren lehendabiziko etapan. Esprintean, Urtasun azkarrena izan zen eta bere ibilbideko aurreneko garaipena eskuratu zuen, Bonomi (Barloworld) eta Garrido (Duja) menderatuta. Aurten, aurrerapausoa eman du Urdiainekoak eta garaipenetik gertu geratu zen Gaztela eta Leongo eta Renaniako itzulietan. Guztira, Kaiku taldeak sei lorpen eskuratu ditu aurten. Bavierako Tourrean, berriz,Zabelek (Milram) altxatu zituen besoak Haserlbacher (Gerolsteiner) gainditurik. Azkenik, Tjallingii ezezagunak (Skil) irabazi zuen Belgikan.
Euskal Bizikleta
Euskaltel-Euskadi eta Liberty-Würth taldeek multzo sendoenak aurkeztuko dituzte Euskal Bizikletan. Antolakuntzak atzo eman zuen parte hartzaileen behin- behineko zerrenda, eta Haimar Zubeldia, Samuel Sanchez, David Herrero, David Etxebarria,Joseba Beloki, Aitor Osa, Peio Arreitunandia, Alberto Martinez edo Koldo Gil izenak nabarmentzen dira.Bestetik, Txomin Perurenak omenaldia jasoko du Arraten,
«bizitzan eta profesionaletan primerako ibilbidea»
izan duelako.
|
