Kultura ministro espainolari EAJk Salamancako dokumentuak eskatuko dizkio
MADRIL
Salamancako dokumentuak itzultzeko eskaeraz jarduteko helburuarekin, Gobernu espainoleko Carmen Calvo Kultura ministroak EAJ taldearekin laster biltzeko konpro- misoa hartu zuen atzo. Bilkura horretan, gainera, ziurrenik datorren urtean “Gernika” margolan ezaguna EAEra ekartzeko aukeraz ere arituko dira. Senatu espainolean atzo egin saioan EAJk beste behin eskatu zion Zapateroren Gobernuari euskal herritar zenbaiti 36ko Gerran kendutako dokumentuak itzultzeko, egun Salamancako artxiboan dituztenak.
Javier Maqueda eledun jeltzaleak Calvori itaun zion ea bere Ministerioak zein asmo duen afera horretan, eta hark erantzun zion Gobernua iragan azaroan onartutako legea betetzera mugatzen ari dela. Legeak aipatzen du dokumentuak herritarrei itzuliko zaizkiela, betiere jabe legitimoek hori egiaztatzen badute. Calvok, gainera, jabe euskaldunak espainolen irizpide berekin tratatzen dituztela berretsi zuen atzo.
|
