-Sega (Gipuzkoako Txapelketa)
Zuriarrain eta Gabirondo finalean izango dira
ORENDAIN
Zuriarrainek eman zuen atzoko ezusteko nagusia, berak lortu baitzuen garaipena Gipuzkoako segalarien lehen kanporaketan, eta horrekin batera hilaren 25ean Pikoketan jokatuko den finalerako txartela ere lortu zuen.Joxe Gabirondok bigarren amaitu zuen, eta Gazteluko segalaria ere finalean izango da. Txapelaren lehian arituko diren beste bi segalarien izenak datorren igandean jakingo dira, Zizurkilen arituko baitira Aranalde, Dorronsoro eta Alkorta. 300 ikusle inguru batu ziren atzo Orendainen.Belarrak eta belardiak, berriz, ez zuten inolako aitzakiarik izan, eta segalari bakoitzak ordu erdi izan zuen lanerako. Gabirondo izan zen sailetan lehena, baina bi zigor jaso zituen, eta ondorioz 40 kilo kendu zizkioten, eta bigarren postuan geratu zen, nahiz eta helburua ondo bete zuen. Beste ezustea Goikoetxeak emandakoa izan zen, hirugarren
amaitu baitzuen. Iaz final nagusian izan zen, baina aurten ez da horrela izango.
Zuriarrainek lan bikaina egin zuen, belarra dotore moztuz, eta merezita
bereganatu zuen
garaipena.
|
