- Berezkoak
Sarako Torneoan ez da ezusterik izan
MUSKARDITZ-EZKURRA II 50
ALFARO-ETXETO 47
LARRETXEA-OZAFRAIN 50
IDIART-KURUTXARI 45
SARA
Ez da ezusterik izan, eta Muskarditz-Ezkurra II.a eta Larretxea-Ozafrain bikoteak neurtuko dira bihar 18.00etatik aurrera Sarako trinketean, bertako torneoko finala jokatzeko. Bi horiek ziren faboritoak, eta azkenean horiek dira finalean.Bi finalerdiak, ordea, oso estuak izan dira. Sarakoa da 50 kintzera jokatzen den lehiaketa bakarra, eta hori asko nabaritu da. Partidak, gainera, oso gogorrak izan dira. Torneo honetan Alfarok, amateurren txapeldunak, aukera izan du profesionalekin aritzeko, eta oso itxura ona eman du. Lehen finalerdi horretan aitzinetik aritu zen Etxeto lagun zuela, baina azkeneko tantoetan beherantz egin zuen, eta Muskarditzek eta Etxetok ederki aprobetxatu zuten garaipena eskuratzeko. Beste finalerdia ere tankerakoa izan zen. Hor, berdinketa ugari izan ziren lehen zatian, baina gero, Larretxea eta Ozafrain aitzineratu egin ziren, eta amaierara bitarte lortutako abantailari eusteko modua egin zuten. Biharko finalerako, berriz, sarrerak ia agortuta daude, eta ez dago faborito garbirik.
|
