Beñat Amorenak idatzi eta zuzendutako «Olentzero, badator» kaleko eta gaueko ikuskizun ibiltaria igande honetan aurkeztuko da lehen aldiz Baionan. Claude Labat ikerlariaren ideia bat hartu du oinarri Amorenak: Olentzero eguzkiaren brasa berpizten duen ikazkina litzateke. Ikuskizunean Olentzerok eguzkia itzuliko die herritarrei, hauek betiko ilunpean bizi beharko dutela uste duten bitartean.