«Nik bizi izan dudana beste inork ez bizitzea da nire benetako nahia; ez dut mendeku goserik»

Jaio aurretik jasan zuen biolentzia. Guardia Zibila bere aitaren atzetik zebilen, eta etxea miatzean, ama, sei hilabeteko haurdun zegoena, lurrera bota zuten. Horren ondorioz, behar baino lehenago jaio zen. Aita, osaba eta anaia kartzelan ditu. Bere bizitza osoa kartzelari lotuta dago. Gatazka politikoak eragindako kaltetutzat du bere burua. Horregatik, badaki irtenbidea badagoela. Horregatik, bere nahirik sakonena da berriro inork ez dezala sufritu hargatik. Inork ez eta inoiz ez. Etxerat-eko bozeramailea da.