LABek bat egin du Guadalupeko langileekin
BAIONA
Estaturik gabeko nazioetako sindikatuen elkarteko kide izanik, LABek elkartasuna adierazi die Guadalupeko langileei bertan duten egoera dela-eta. Sindikatu abertzaleak adierazi du badirela zenbait hilabete «tentsio sozial handia» dagoela ugazabek Estatu frantseseko laguntza publikoekin sakelak betetzen dituztelako, langileak mespretxatzen dituzten bitartean.
Egoeraren zenbait adibide jarri ditu LABek; besteren artean, Danonek uhartean duen enpresan langileek zortzi hilabete daramatela greban, egindako ordu gehigarriak ordain diezazkien:«Ugazabek jogurtak Estatu frantsesetik ekarrarazten dituzte jendarmez inguratutako kamioietan eta osasun baldintza kaskarretan (+%15)».
Horiek hala, otsailaren 23an sektore guztietako langileek greba egin zuten gehiengo zabala ordezkatzen duen UGTC sindikatuak deituta. LABen ustean, nagusi handiak eta estatu kolonialak dira gatazka sozial orokor horren erantzuleak. UGTC sindikatuak, sostengua adieraztearekin batera, langile eta herriak errespetatzeko exijitu du.
|
