- Izotz Hockeya
Hegoaldek, lana eginez, garaipen ederra lortu du
DONOSTIA
Hegoalde bikain ari da Liga amaiera honetan, eta tolosarrek 4-1 irabazi zioten Gironellari. Emaitzak bestelakorik ematen baldin badu ere, tolosarrek gogotik egin behar izan zuten lan garaipena lortu ahal izateko.
Emi Ugartek egin zituen lehen zatiko gipuzkoarren bi golak, eta 2-0koarekin joan ziren atseden hartzera. Partida ongi bideratuta zuten, baina lanean jarraitu beharra zegoen, gero ezusterik ez izateko. Horixe egin zuten, hain zuzen ere, urdinek. Lopezek eta Aranak beste bina gol lortu zituzten eta partida erabakita utzi zuten. Gironellak lortutako golak markagailua itxuratu besterik ez zuen egin.
Hauek jokatu zuten Hegoalden: Arana, Delgado, Aldezabal, Lopez eta Barrio. Arana, Emi, Ugarte, Edurne, Mayo Larrañaga eta Azpilikueta ere aritu ziren norgehiagoka horretan.
|
