DONOSTIA

Uztarri bakarreko harria erabiliko dute, bai idiak, baita zaldiak ere, eta bakoitzak bi itzain eraman ahal izango ditu. Kixkurrarenak ez dira ezagutzen, baina bai Olarrearenak. Hura ere itzain fina izan arren, oraingoan Urrutia lehengusuak izango ditu lantegi horretan.

Amaitu berri den asteburuan ere bi apustu izan dira.Larunbatean Azkoitian Ibaiñarrieta eta Balentiñeren uztarriak neurtu ziren.

Lehenengoaren idi pareak irabazi zuten desafioa. Haiek kaleratu ziren lehenengo, jabea eta Izeta II.a itzain zirela. 55 plaza, 2 zinta eta 0,62 cm egin zuten. Balentiñerenak, berriz, 52 plaza, eta 2,50 cm egin zituen, Armaoela eta Telleria itzain zirela.

Herenegun arratsaldean, berriz, Abadiñon neurtu ziren Andrakasen eta Cabrejasen idiak. 400 ikusletik gora batu ziren. Cabrejasen idiak plazaratu ziren lehenengo, Lopene, Lopategi eta Izeta itzain zirela, itzain bateko abantaila baitzuten. Haiek 36 untze eta 0,15 cm egin zituzten. Andrakasenek, Urrutia eta Iketza itzain zirela, 40 untze egin eta garaipena lortu zuten.