- Mendi Bizikleta
Unai Yus izan zen azkarrena Obanosen
DONOSTIA
Unai Yus, Unai Elorriaga, Asier Apezetxea eta Patxi Ciak goitik behera menderatu zuten Euskadiko Openerako baliagarria zen Obanosen jokatutako proba. Yusek metro batzuetako aldea hartu zuen azken aldera, eta gasteiztarrak nagusitasunez lortu zuen garaipena Nafarroako ibilbide ikusgarrian. Cia eta Apezetxeak osatu zuten podiuma eta Elorriaga laugarren tokian sartu zen azkenean.Lau horien atzetik, Aitor Urruzola, Daniel Beloki, Jose
Luis de Abajo, Vicent Martinez eta Oskar Bergarak multzo polita osatu zuten, eta
lasterketa borroka bizian amaitu zen.
Orbea, bikain AEBetan
Orbea taldeko Jean Christophe Peraud frantziarrak Sea Otter Classic proban garaipena lortu zuen. Lehen etapa irabazi eta gero, bigarren egin zuen hurrengo bi etapetan, eta hirugarren azken etapa erabakiorrean. Orbea bikain aritu da Amerikako Estatu Batuetan.
|
