DONOSTIA

Bizkaitarrek jadanik kanporaketarik jokatu gabe mailari eustea ezinezkoa dute, eta aurretik, sei puntutako aldea kentzen dien Benicarloren kiroldegian jokatuko dute. Galtzen badute, akabo: heldu den urtean Zilarrezko Mailan izango dira berriro ere. Irabazten badute, azkeneko jardunaldira bitarte itxaropenari eusteko moduan izango dira. Bilbotarrek ez zuten uste pasa den astean Benicarlok Iruñean irabaziko zuenik, eta bihar garaituta, kanporaketa jokatzeko moduan izango zirela uste zuten, baina gauzak okertu egin dira.

MRA Gvtarra Xotak, aldiz, Torrejonen jokatuko du. Irurtzungoek lesio asko izan dituzte azkenaldian, eta hori asko ari dira nabaritzen. Helburua lehen zortzien barruan Liga amaitzea da, txapelaren lehian aritu ahal izateko. Pasa den astean galdu arren, nahiko ongi daukate bidea eginda, baina badaezpada, lo egoterik ez da komeni, eta bihar 18.15etatik aurrera Torrejonen irabaziko balute, askoz ere hobe izango lirateke, gero azkeneko uneko ezusterik izan ez dadin.