- Top 14
Avironek derrigorrean irabazi behar dio Ageni
BAIONA
Avironek irabazi besterik ezin du egin bihar 18.30etatik aurrera JeanDauguer zelaian Agenen aurka jokatuko duen norgehiagokan. Lapurtarrak oraingoz jaitsierako postuetatik at daude, mailari eusteko bidea nahiko ongi egin dute orain arte, baina ezin dira lo geratu, atzeko taldeak ere esna-esna baitaude oraindik.
Bik galtzen dute Top 14a, eta postu bat aspaldi erabakita dago. Toulonek jardunaldi dezente daramatza mailari eusteko inongo aukerarik gabe. Bigarren txartel hori geratzen da jokoan, eta Aviron huraxe ekidin nahian dabil.
Bihar Agen hartuko dute. Talde horrek ez du ezer jokoan, ez baitu ez lehen lauretan sartzeko inongo aukerarik, ez eta maila galtzeko inongo arriskurik ere. Aviron etxetik at ez dabil batere ongi, puntuak batzea asko kostatzen zaio, eta etxean ezin du hutsik egin. Pasa den larunbatean Perpinyan ohiko asko ez ziren aritu, partida honekin pentsatuz, eta bihar izango dute aukera.
Avironek zazpi partida bereganatu ditu orain arte, bat berdindu, eta 13 galdu. Agenek, aldiz, 11 partida irabazi ditu, eta 10 galdu ditu. Baionarrek gaur denboraldiko zortzigarren partida irabaztea espero dute. Bestela gauzak asko oker daitezke zuri-urdinen artean.
|
