Sexu erasoa leporatu diote gizon bati
GASTEIZ
Aurreko ostiralean Ertzaintzak gizon bat atxilotu zuen Gasteizen, sexu erasoa leporatuta. Biktima Frantzia kalea zeharkatzen ari zen, eta gizonak hormaren kontra bultzatu eta musuak eman zizkion, eskuak arropa barnetik sartuz. Gertatutakoa ikusi zuen gizonezko batek erasotzaileari errieta egin zion, eta une horretan, emakumeak ihes egin zuen. Jarraian, kalean zeuden bi herritarrek emakumea etxeraino lagundu zuten, eta bien bitartean, beste pertsona batzuk Ertzaintzara deitu zuten.
|
