- CFA
Genetsek egin beharrekoa ongi egin du
·Hori-berdeek mailari eusteko itxaropen gehiago dute, nahiz eta oraindik falta den
GENETS 1
LUZENAC 0
ANGELU
Genetsek egin beharrekoa ongi egin zuen, eta mailari eutsi nahi baldin badiote jarraitu beharreko bidea hori dela argi eta garbi geratu zen. Angeluarrek ez zuten sekulako partida egin, baina nahikoa izan zen neurketa irabazteko. Gola Barsacqek egin zuen, lehen zatiko 31. minutuan. Epaileak penaltia agindu zuen, Luzenaceko jokalari batek Barsacq area barruan lurrera bota zuelako, eta aurrelariak ez zuen barkatu. Bigarren zatian Genetsek eutsi egin zion.
Avironek, galdu
Maila bat gora eginda, N1en, Avironek 2-1 galdu zuen atzo Ajaccion, sailkapeneko azkenekoaren zelaian. 1-0 galtzen hasi ostean, Vareillesek berdindu egin zuen, baina azken minutuetan etxekoek bigarrena egin zuten. Ruffier, Pardeilhan, Talmont, Sergent, Laporte, Louit, Vaz, Chakir, Choplain, Ech Chergui eta Vareilles aritu ziren hasieratik Aviron Baionakoan.
|
