AVIRON 28
STADE FRANÇAIS 11

Aviron: Thierry, Fifita, Nunez-Piossek, Dourthe, Lhande, Fraser, Rouet (Sudre, 72.m) - Massabeau, Davies (Tomuli, 74.m), Lafaili'i, (Gratchev, 64.m) , Bergez, Tewhata (Hall, 75.m) - Tomuli (Wessels, 67.m), Laurent, Coetzee (Usandizaga, 54.m). Stade Français: Sarramea, Borges, Mi. Bergamasco, Liebenberg (Lacroix, 41.m), Saubade, Skrela, Williams , Martin, Parisse, Ma. Bergamasco (Jéchoux, 64.m), Du Plooy, Marchois, Montes, Blin (Kayser, 61.m), Henn. Epailea: Mene. Avirongo Usandizaga eta Fifita egotzi zituen hamar minututarako. Markagailua: Aviron: Hiru entsegu: Davies (10.m), Fifita (43.m), Nunez-Piossek (59.m), bi transformazio Dourthek (43, 59.m), eta hiru zigor-kolpe Dourthek (39, 46, 65.m). Stade Français: Entsegu bat: Saubade (2.m), eta bi zigor-kolpe Skrelak (16, 52.m). Gorabeherak: 10.000 ikusle neurketa ikusten.

BAIONA

Stade Françaisek ere jokatu aurretik bazekien finalerdiak jokatzeko sailkatuta zegoela, baina irabaztera zelairatu zen. Bigarren minuturako aurretik jarri ziren markagailuan, baina Avironek ongi eutsi zion, eta berdinduta joan ziren atseden hartzera. Bigarren zatian, zaleek bazituzten zalantzak, aurten askotan egin baitu behera talde zuri-urdinak, eta atzo horixe bera errepikatuko ote zen beldur ziren, baina ez zen horrela izan.

Zuri-urdinak ongi aritu ziren bigarren berrogei minutuetan, eta frantziarrak mendean hartu zituzten. Horri esker, amaieran puntuak eskuratu ahal izan zituzten, eta ez da harritzekoa harmailetan eta zelaian bizi izan zen poztasuna, emaitza horri esker, Avironek maila nagusian jarraitzeko aukera gehiago baitu orain. Hala ere, Liga ez da amaitu, eta zuri-urdinek atzo erakutsitako jokoarekin jarraitu beharko dute denboraldia amaitu bitarte.