- Top 14
Galdu arren, Biarritz finalerdietan sartu da
PAU 26
BIARRITZ 20
BIARRITZ
Biarritzek galdu egin zuen atzo, baina
matematikoki lortu du finalerdiak jokatzeko txartela. Hori, ordea, partida hasi
baino ordu batzuk lehenago ere bazekiten, herenegun gauean izandako emaitzari
esker, lapurtarren helburua lortuta baitzegoen.
Atzo ia bigarren taldea zelairatu zela esan daiteke,
hamabostekoan ohikoak diren gehienek jai izan baitzuten. Izan ere, Biarritzek
burua Cardiffen dauka, han jokatuko baitu Europako Kopako finala.
Atzo, beraz, lehian gehien zuena Paue zen, mailari
eusteko borrokan ari zelako, eta hori nabaritu egin zen. Haien ustez, atzo
irabazita jaitsierako postutik irten egingo ziren, inork gutxik uste baitzuen
Avironek irabaziko zuela, baina horrela izan zen, eta Pauek jaitsierako postuan
jarraituko du. Partida ez zen handia izan. Lehen zatia orekatua izan zen, eta
horri esker, berdinean joan ziren aldageletara. Bigarrenean, etxekoek gogo
gehiago jarri zuten, eta une batzuetan Biarritz mendean izan zuten. Horri esker,
amaieran garaipena lortu ahal izan zuten.
|
