IV. Zernola olinpiadaren festa egin dute Iruñean
IRUÑEA
Iruñeko planetarioa gaztetxoz bete zen atzo goizean Elhuyar Fundazioak antolatu dituen IV. Zernola olinpiaden sari banaketa dela-eta. Joan den urrian abian jarri zuten ekimen horren helburua «gaztetxoei zientzia dibertigarria dela erakustea» dela adierazi du antolakuntzak adierazpen baten bidez. Guztira Euskal Herriko 1.200 ikaslek (63 ikasgelak) hartu dute parte ekimen horrek proposatzen zituen probak gainditzen: urakanen ezaugarriak azaldu, urpeko mundua deskribatu, Hubble teleskopioa konpondu eta abar.
Azkenean, lehen saria Loiuko Lauro ikastolako DBHko 1.B gelak eraman zuen, bigarren postua Iruñeko Jaso ikastolako DBHko 2 gelak, eta hirugarrena, aldiz, Loiuko Lauro ikastetxeko DBHko 2.B gelak. Hirurek gela osoarentzako egonaldiak irabazi zituzten.
|
