- N1
Avironek amaierara bitarte sufritu beharko du
AVIRON 1
ENTENTE 1
BAIONA
Avironek azkeneko jardunaldira bitarte sufritu beharko du, eta azkeneko partida irabazi beharra dauka heldu den urtean N1 mailan jarraitzeko.Aviron lehen minututik hasi zen lanean, eta Ech Cherguiren gola iritsi aurretik Louitek eta Vareillesek, honek bi aldiz, Aviron aurretik jartzeko parada ukan zuten, baina azkenean Ech Chergui izan zen Mate atezainaren oparia aprobetxatu zuena. Ententek, berriz, jaurtiketa bakarra egin zuen lehen zatian. Bigarren zatian Aviron atzean sartuta zelairatu zen, eta ikusten zen partida okertu zitekeela. Ententek aparteko ezer egin gabe baloiaren jabetza zuen, eta azkenean berdindu egin zuen. Aristouik 1-2koa ere izan zuen, baina Avironen zorionerako baloia zutoinera bidali zuen. Azkenean puntu banaketa, eta Avironek ezin du azkeneko jardunaldian hutsik egin.
|
