Parisek 50 urtez gorakoentzako enplegu-plana aurkeztu du
PARIS
Berrogeita hamar urtez gorakoen enplegua sustatzearren, 31 neurri biltzen dituen enplegu-plana aurkeztu du berrikitan Parisko Gobernuak Ekonomia eta Gizarte Kontseiluan.
Gerard Larcher lan-txertatzeaz arduratzen den ministroak adostasun handia lortu du planaren inguruan, sindikatuak eta patronala ere lan-taldean aritu baitira.
Langabeentzako kontratu berezia, 57 urtez gorakoentzako 18 hilabeteko kontratua, 60 urtetik gora lanean jarraitzeko ordutegiak moldatzea eta 50 urtez gorako langileak kaleratzeagatik indarrean zegoen tasa kentzea dira neurri nagusiak.
|
