ARBIZU
Aspalditik ezaguna da, bai inguruko herrietan baita harago ere, Arbizuko
jaietan jan-edanak nolako harrera duen herritarren artean.
Horren erakusgarri dira AATE izenez ezagutzen dituzten gosari eta askariak,
baita egunero herriko plazan egiten dituzten afariak ere.
«Arbizuko jendea etxean gelditu gabe, kalera atera eta festan parte har zezan
hasi ziren egiten», azaldu digu jai batzordeko kide Aintzane Leizak, baina gaur
egun ere arrakasta handia duela gaineratu du jai batzordeko kideak.
Horrekin, asteburuaz gain, astean zehar ere jendeak festez goza dezan lortzen
dela aitortu zigun, izena aurrez eman behar denez, ez baitago atzera egiterik.
Gustu guztietarako ekintzak prestatu dituztela nabarmendu zigun Leizak, nahiz
eta haren esanetan San Joan bezpera den egunik handiena.
Berritasunak
Aurtengo berritasuna ez den arren, bigarren aldia baino ez du emakumeen
afariak, baina iazko arrakasta ikusirik, aurten antolatzeko ere ez dute inolako
zalantzarik izan.
Aintzane Leizak esandakoaren arabera, emakume asko herriko jaietan oso gutxi
irteten da, eta horientzako egin zuten batez ere emakumeen afaria bigarren
aldiz.
Berritasunetako beste bat asteartean egingo den bertso afariaren formatua da.
Orain arte bi bertsolari ekartzen zituzten mahaiz mahai abesten joateko, eta
aurten lau ekarriko dituzte.
Dema moduko bat
Bikote bakoitza gelaren alde banatan jarrita, dema
moduko bat egingo dute elkarri eraso egiteko. Gaur, bestalde, trikitixa eta
pilota partiduak izango dira Arbizuko jaietan.
Egitaraua
Igandea 25
13.00: Trikiti jaialdia. Ordu berean afizionatuen arteko pilota partidak
jokatuko dira kiroldegiko frontoian.
18.00: Gorriti eta bere animaliak izango dira.
19.00: 2. mailako txapelketari dagokion aizkora apustua.
20.00: AATE Arbizuarron hitza elkartean.
20.30: Dantzaldia Gau-Bela taldearekin. 00.00etan berriro hasiko da.
Astelehena 26
10.30: Arbizuko pilota txapelketako finalak kiroldegiko frontoian.
14.15: Mariatxiak.
17.00: Mus txapelketa hasiko da or du honetan.
19.00: Zirku antzerkia Niko Costriniren eskutik.
22.00: Mariatxiak.
Asteartea 27
12.00: AATE Askatasuna elkartean.
12.30: Kalderete lehiaketa.
15.00: Herri bazkaria plazan.
17.00: Jolasak eta ludoteka.
19.30: Zetreria ikuskizuna.
20.00: AATE eta enkartelada.
21.00: Bertso
afaria.
